اغنية محمد اسامة - نفس الكاس

اغنية محمد اسامة مودي راب - نفس الكاس
اغنية نفس الكاس - محمد اسامة (مودي راب) و مانشي الليثي


اسمع اغنية محمد أسامة و مانشي الليثي .. نفس الكاس



شوف كليب نفس الكاس | انا مش اسف يا ريس | محمد اسامة (مودي راب) و مانشي الليثي

Mohamed Osama (Mody Rap) & Munchy - Nafs El Kas



كلمات الاغنية

انا مش اسف يا ريس .. ياللي طاردني من بلدي
دمرت كل احلامي , و ماكنتش ضهري و سندي
كرامة كل مصري اتهان , ذنب لابس في رقبتك
و في رقبه كل اهبل .. بيطالب بعودة سعادتك
بيقولو انك مظلوم يا عيني مكنتش عارف حاجة
يا حاج ده عذر اقبح من ذنب .. ارحمنا من السذاجة
ياما شوفنا سنين الذل في عهدك وقت ما كنا رخاص
انسي الرأفة و انسي الرحمة وقت تنفيذ القصاص
اسوأ حاكم في التاريخ , تستاهلها عن جدارة
عشت سنين تأمن نفسك , لكن الدنيا غدارة
انا بحمد ربي سابني اعيش لحد ماشوفك محبوس
مش عشان اشمت فيك .. لكن لاجل افوق من الكابوس
هتقولولي , ليه ماقولتش دي ايام نظام مبارك ؟
هو مين قال انى مكنتش بخوض المعارك
تاريخي يثبت الف مرة انى مش راكب الثورة
ياما سبيت في نظامك و حكومتك مكشوفة العورة

انا واحد من كل الي اتذلو و اتهانو من لعبك
اشرب من نفس الكاس المر الي طفحته لشعبك
لما الشيطان بيسيطر انسي انك تشوف الخير
ماتحاولش تفكر تهرب ابدا من اسوأ مصير

انا مش اسف يا كبير .. يالي معندكش ضمير
لو حكم المحكمة قال اعدام .. انا اول واحد هعمل شير
و يقولو حرام دي شماتة .. ده بجد مريض ما غتاتة
و مكانش حرام ليه علي غلبان قوت يومه و لبسه شحاته
انا مش اسف يا قائدنا .. يالي لعبت في عقائدنا
ولاخر لحظة بتتمسكن و تمثل و انت قاصدنا
دانت عاملهم علي قلبك و مدوق منهم كلبك
وكلابك كترو علينا.. و رصاصهم كان من صلبك
بكفاية لوثت تاريخنا .. زودت آهاتنا صريخنا
و نسبت النصر لنفسك مع انها كانت صواريخنا
ال حزبك ال وطنيتك و ده شعبك وده تصويتك
و عاملهالى عزبة جدك و تقول نجلك . ايه ده عبيطك
نفسي اشوف حبل غسيل في رقبتك مع تهليل
و كل الناس زغاريط افراح مشهد خلاب عالنيل
انا مش اسف يا رئيس بس انا مش لعبة في كيس
انا مصري جدع علي ابوه .. مش زيك لص خسيس

انا واحد من كل الي اتذلو و اتهانو من لعبك
اشرب من نفس الكاس المر الي طفحته لشعبك
لما الشيطان بيسيطر انسي انك تشوف الخير
ماتحاولش تفكر تهرب ابدا من اسوأ مصير

مش هقولك روح .. جهنم ربك عالم بعبيده
ربك ارحم من البشر .. و كل شئ بايده
مش هتقدر تغسل ايدك من الدم الي مغرقها
دعوة المظلوم لا ترد و ده جزائها
تلاتين الف معتقل و مش عارف اعد الاموات
اكتر من خمسة مليون متغرب في كل البلاد
يا مشحتنا , يا مجوعنا , يا مبوظ اخلاق شبابنا
محدش عارف يشتغل .. يتجوز في مجتمعنا
انا مش لاقي حاجة عدلة انصفك بيها ادام نفسك
راجع تاريخ حياتك يمكن تفهم سبب حبسك
يا مشرد الملايين .. يا مدمر التعليم
سمعة مصر في الحضيض و الجهل بقي في الصميم
رغم انى طيب .. لكنك مانتش صعبان عليا
لما افتكر كل اخطائك جرايمك الدموية
بنسي اي حاجة عن الرحمة و الانسانية
مش شايف غير الانتقام بكل وحشية

انا واحد من كل الي اتذلو و اتهانو من لعبك
اشرب من نفس الكاس المر الي طفحته لشعبك
لما الشيطان بيسيطر انسي انك تشوف الخير
ماتحاولش تفكر تهرب ابدا من اسوأ مصير

اسمع اون لاين اغنية محمد اسامة و مانشي بدون تحميل Mohamed Osama
على الانترنت اونلاين كليب Mody Rap نفس الكاس - انا مش اسف يا ريس بدون توقف Mp3